Friday, January 25, 2013

Ashk zeyada seeney mein


Ashk zeyada seeney mein, kam ankhon mein,
Dil mein ek samandar, shabnam aankhon mein,

Tabeeron ki rut janey kab aye gi,
Muddat se hain khawb ke mausam ankhon mein,

Qatra qatra dhalti hain, par jalti hain,
Dard ki shamain madham madham ankhon mein,

Raah kahan se paatey hain, kyon atey hain,
Hanstey hanstey aansu yakdam aankhon mein,

Mu’n maangi sari hi khushiyan chehrey par,
Phir bhi kuch anjaney se gham aankhon mein,

Sab manzar janey pehchaney lagtey hain,
Jese koi khawab ka aalam ankhon mein