Pages

Saturday, December 29, 2012

garmi-e-shauq-e-nazara ka asar to dekho



garmi-e-shauq-e-nazara ka asar to dekho
gul khile jate hain wo saya-e-dar to dekho


aise nadan to na the jan se guzarnewale
nasiho, rahbar-o-rahguzar to dekho

wo to wo hain tumhen ho jayegi ulfat mujhse
ek nazar tum mera mahbub-e-nazar to dekho

wo jo ab chak gareban bhi nahin karte hain
dekhanewalo kabhi un ka jigar to dekho

daman-e-dard ko gulzar bana rakha hai
ao ek din dil-e-purkhun ka hunar to dekho

subah ki tarah jhamkata hai shab-e-gam ka ufaq
"Faiz" tabindagi-e-dida-e-tar to dekho


SHAIR:  Faiz Ahmad Faiz

No comments:

Post a Comment